اسرائیل نے ترکیہ کی جانب سے وزیراعظم بنیامین نیتن یاہو سمیت دیگر حکام کے خلاف وارنٹ گرفتاری جاری کرنے کے اقدام کو ’تشہیری حربہ‘ قرار دیا ہے۔
فرانسیسی خبر رساں ایجنسی اے ایف پی کے مطابق ترکیہ نے غزہ میں مبینہ ’نسل کشی‘ کے الزامات پر اسرائیلی وزیراعظم نتن یاہو اور دیگر رہنماؤں کے وارنٹ گرفتاری جاری کیے تھے۔
The Istanbul Prosecutor’s Office - which, as recalled, recently orchestrated the arrest of the Mayor of Istanbul merely for daring to run against Erdoğan - has now issued “arrest warrants” for Israeli leaders and senior officials.
In Erdoğan’s Turkey, the judiciary has long…
— Gideon Sa'ar | גדעון סער (@gidonsaar) November 7, 2025
اسرائیلی وزیرِ خارجہ گیڈون سار نے سماجی رابطے کی ویب سائٹ ایکس پر اپنے بیان میں کہا ہے کہ ’اسرائیل آمر (صدر رجب طیب اردوان) کے تازہ ترین پبلسٹی سٹنٹ کو مکمل طور پر مسترد کرتا ہے۔‘
ترکیہ نے جمعے کے روز غزہ میں ’نسل کشی اور انسانیت کے خلاف جرائم‘ کے الزامات پر اسرائیلی حکام اور رہنماؤں کے خلاف 37 وارنٹ گرفتاری جاری کیے تھے۔
