مسجد الحرام میں نئے ایل ای ڈی فانوس

مقدس مساجد کی انتظامیہ نے مسجد الحرام کے طرز تعمیر سے ہم آہنگ روشنی کا بندوبست کردیا- 

ایس پی اے کے مطابق انتظامیہ نے ایل ای ڈی بلب کا بندوبست کیا ہے-  یہ سٹین لیس سٹیل سے آراستہ ہیں- ان پر چوبیس قیراط سونے کا پانی چڑھایا گیا ہے- ان کی موٹائی دو مائیکرون ہے- ایک فانوس کا وزن  280 کلو گرام ہے- اس پر 2.38 ملی کی ایک  پرت چڑھائی گئی ہے جس کی وجہ سے فانوس نشانات سے محفوظ رہے گا- 

 اس طرح کے فانوس مطاف کی عمارت کی تمام منزلوں میں نصب کیے گئے ہیں- ان کی اونچائی 3600 ملی میٹر تک کی ہے- یہ عمارت کی دیگر منزلوں میں لگائے گئے فانوسوں سے مختلف ہیں- 

یہ موسمی تبدیلیوں کو برداشت کرنے والے سسٹم سے آراستہ ہیں-  150 کلو میٹر فی گھنٹے کی رفتار سے چلنے والی ہواؤں کی جھٹکے جھیل سکتے ہیں- زلزلوں اور زمینی جھٹکوں کو برداشت کرنے کی بھی اہلیت رکھتے ہیں- 

مقدس مساجد کی انتظامیہ نے بتایا کہ مطاف کی عمارت کی زمینی منزل کے لیے 114 فانوس فراہم کیے جائیں گے- پہلی منزل کے لیے 123 فانوس مختص ہوں گے جبکہ تہہ خانوں کے  لیے 245 فانوسوں کا بندوبست کیا گیا ہے-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں