موسمیات کے قومی مرکز نے کہا ہے کہ’ بدھ سے عسیر، جازان اور نجران کے علاقوں میں بارش ہونے کا امکان ہے‘۔
اخبار 24 کے مطابق ’بارش کا موسم باحہ اور مکہ مکرمہ کے پہاڑی علاقوں تک پھیل جائے گا۔ ریاض اور الشرقیہ کے جنوبی علاقے بھی بارش کی زد میں ہوں گے‘۔
مزید پڑھیں
-
کویت کے الجھرا شہر میں درجہ حرارت 52.1 سینٹی گریڈNode ID: 578681
-
مشرقی ریجن کے کئی شہروں میں درجہ حرارت 50 سینٹی گریڈ سے زیادہNode ID: 579581
قومی مرکز نے ٹوئٹر کے اپنے اکاؤنٹ پر ایک میپ جاری کیا ہے جس میں بتایا گیا ہے کہ’ مملکت کے سات علاقوں میں بدھ سے بارش کا امکان ہے‘۔
قومی مرکز کا کہنا ہے کہ’ پیر کو جیزان، نجران اور عسیر کے پہاڑی علاقوں کا مطلع جزوی طور پر ابر آلود ہوگا۔ تیز ہوائیں چلیں گی‘۔
’گرج چمک کے ساتھ وقفے وقفے سے بارش کا امکان ہے۔ اس کا سلسلہ باحہ کے کوہستانی علاقے تک پھیل سکتا ہے‘۔
قومی مرکز بیان میں کہا کہ’ مکہ مکرمہ ریجن کے ساحلی مقامات پر تیز گرد آلود ہواؤں کی وجہ سے حد نظر محدود ہوجائے گی‘۔
مملکت کے دیگر علاقوں کا موسم گرم ہوگا۔ الاحسا میں انتہائی درجہ حرارت 49 سینٹی گریڈ اور السودۃ میں 19 سینٹی گریڈ ہوگا۔
پیر کو مشرقی ریجن کے علاوہ ریاض اور قصیم کے بعض علاقوں میں سخت گرمی پڑنے کا امکان ہے۔
علاوہ ازیں موسمیات کے قومی مرکز نے کہا ہے کہ’ اتوار کو سعودی عرب کے پانچ شہروں میں انتہائی درجہ حرارت ریکارڈ کیا گیا‘۔
’ سب سے زیادہ درجہ حرارت 49 سینٹی گریڈ القیصومہ، ریاض کے مرکزی علاقے میں 48 سینٹی گریڈ، قصیم اور رفحا میں 47 سینٹی گریڈ اور الاحسا میں 46 سینٹی گریڈ ریکارڈ کیا گیا ہے‘۔