جدہ میں خطرناک ٹریفک حادثے میں ڈرائیور ہلاک

جدہ  اور مکہ کے درمیان ٹیکنالوجی کالج کے قریب ٹریفک حادثے کے باعث گاڑی کئی مرتبہ الٹ گئی جس کے باعث ڈرائیور ہوا میں اڑ گیا اور فٹ پاتھ پر گر کر ہلاک ہوگیا ہے۔

سبق ویب سائٹ کے مطابق حادثے کی ویڈیو ٹوئٹر اور سوشل میڈیا ذرائع پر وائرل ہوئی ہے۔

جدہ محکمہ ٹریفک نے کہا ہے کہ ’حادثہ ٹیکنیکل کالج کے سامنے والی سڑک پرپیر کے روز صبح ہوا تھا‘۔

’ڈرائیور سے گاڑی بے قابو ہوگئی تھی جس کے باعث کئی مرتبہ الٹ گئی، اس دوران ڈرائیور کئی فٹ ہوا میں بلند ہوا اور گرتے ہی ہلاک ہوگیا‘۔

محکمہ ٹریفک نے کہا ہے کہ ’ہلاک ہونے والا ڈرائیور سعودی شہری ہے‘۔