پاکستانی نژاد آسٹریلوی بیٹسمین عثمان خواجہ نے دو سال بعد ٹیسٹ کرکٹ میں پلٹتے ہی انگلینڈ کے خلاف چوتھے ٹیسٹ میں سینچری بنا ڈالی جس کے بعد سے وہ ٹوئٹر کے ٹاپ ٹرینڈز میں ہیں۔
واضح رہے خواجہ نے اس سے پہلے اپنا آخری ٹیسٹ میچ ایشیز سیریز کے دوران 2019 میں کھیلا تھا۔ ان کے مداحوں کا اس وقت سے یہ کہنا تھا کہ انہیں آسٹریلوی ٹیم سے باہر کرنا سلیکٹرز کا ایک غلط فیصلہ تھا۔
خواجہ کو انگلینڈ کے خلاف ایشز سیریز کے چوتھے میچ میں اس لیے کھلایا گیا ہے کیونکہ ٹیم کے مستقل رکن ٹریوس ہیڈ کا کرونا ٹیسٹ مثبت آیا تھا۔
مزید پڑھیں
-
آسٹریلوی ٹیم عثمان خواجہ کی خدمات سے محرومNode ID: 331536
-
آسٹریلین کرکٹر عثمان خواجہ : بیٹسمین اور کمرشل پائلٹ ایک ساتھNode ID: 404381
-
آسٹریلین اوپنر عثمان خواجہ کو آصف غفور کا خراج تحسینNode ID: 405591
خواجہ کی واپسی اور شاندار سینچری پر سب سے زیادہ خوشی ان کی اہلیہ ریچل کو ہے۔ گراؤنڈ میں فوکس نیوز کی سپورٹس پریزینٹر سے بات کرتے ہوئے ریچل کا کہنا تھا کہ ’ہمارا یہ خیال نہیں تھا کہ وہ یہ میچ کھیل رہے ہوں گے اور پھر یہاں آ کر میچ کھیلا اور سینچری سکور کرنا اچھا ہے۔‘
اس موقع پر ریچل اپنی بیٹی عائشہ کو بھی گود میں اٹھائے ہوئے تھیں جو بار بار ان سے مائیک چھیننے کی کوشش کرتی رہیں۔
Proud wife & so she should be Thanks to Rachel for chatting & daughter Aisha for holding the mic… kind of @FoxCricket #Ashes pic.twitter.com/OCF0maqhbC
— Kath Loughnan (@KathLoughnan) January 6, 2022
عثمان خواجہ کی اہلیہ نے اعتراف کیا کہ ان کے شوہر میچ سے پہلے تھوڑے نروس تھے جو ان کے لیے غیر متوقع تھا، تاہم اپنے آخری نیٹ سیشن کے بعد وہ بہتر محسوس کررہے تھے۔
’وہ ٹیم سے تقریباً دو سال سے باہر تھے، اس کے بعد زندگی کافی بدل گئی اور اب ہماری ایک بیٹی بھی ہے۔‘
سوشل میڈیا پر عثمان خواجہ کے مداح جہاں اپنے پسندیدہ بیٹسمین کی تعریف میں زمین و آسمان کے قلابے ملا رہے ہیں، وہیں انگلینڈ کی خراب کارکردگی کا بھی مذاق اڑایا جا رہا ہے۔
ٹام ہاک مین نامی صارف نے ایک ٹویٹ میں لکھا کہ ’خواجہ نے صرف ایک اننگز میں انگلینڈ کے اوپنرز کی جانب سے پچھلے تینوں ٹیسٹوں میں کیے جانے والے مجموعی رنز سے زیادہ رنز بنا لیے ہیں۔‘
Usman Khawaja in just 1 Innings has scored more runs than the England Openers combined this series Crawley (17) Burns (51) Hameed (65) #Ashes
— Tom Hockman (@Tom_Hockman) January 6, 2022
گلین ہیمپسن نامی صارف نے لکھا کہ ’عثمان خواجہ کی کہانی ایسی ہے جو ہم سب کو پسند ہے۔ ایک سابقہ ٹیسٹ ہیرو جو پچھلے دو سالوں سے بیاباں میں تھا، اسے دوسرا موقع ملتا ہے اور وہ اسے ہاتھوں ہاتھ لیتا ہے اور ممکنہ طور پر 200 رنز بنائے گا۔‘
This Usman Khawaja tale is what we love. A previous test hero in the wilderness for 2 years gets a second chance and grabs it with both hands on the brink of 150 and possible a double ton #AUSvsENG #Ashes
— Glenn Hampson (@GlennHampson) January 6, 2022
یہ عثمان خواجہ کی ٹیسٹ کیریئر کی نویں سینچری تھی اور ان کے مداح واپس آتے ہی سینچری سکور کرنے پر انہیں ’دا کم بیک کنگ‘ قرار دے رہے ہیں۔
'The Comeback King'
Usman Khawaja hits ninth century on his return to Australia team#AUSvENG #Ashes pic.twitter.com/GRnVdeVUUb
— Mohammad Ammar Bin Rashid (@_ahsanammar) January 6, 2022