ریاض : انشورنس کونسل نے خلاف ورزی پر ایک میڈیکل کمپلیکس اور ایک مقامی اسپتال کو انشورنس کمپنیوں کے ساتھ معاملہ کرنے سے روک دیا ہے۔ انشورنس کونسل کے جنرل سیکریٹری محمد بن سلیمان الحسین نے کہا ہے کہ کونسل میڈیکل انشورنس صارفین کے حقوق کا تحفظ کرنے والا اور میڈیکل انشورنس کو منظم کرنے والا ادارہ ہے۔ جن طبی اداروں کیخلاف کارروائی کی گئی ہے انہوں نے میڈیکل انشورنس کے ضوابط کی خلاف ورزی کی ہے۔ یہ ادارے آئندہ کسی بھی انشورنس کمپنی کے ساتھ معاملات نہیں کرسکیں گے۔ انہوں نے کہا کہ انشورنس کمپنیوں کے ساتھ معاہدہ کرنے والا طبی ادارہ اس بات کا پابند ہے کہ وہ انشورنس صارفین کو طے شدہ ضوابط کے تحت طبی سہولتیں فراہم کرے۔
