گورنر تبوک سے سفیر پاکستان امیر خرم راٹھور کی ملاقات

سعودی عرب میں گورنر تبوک شہزادہ فہد بن سلطان بن عبدالعزیز سے بدھ کو سفیر پاکستان امیر خرم راٹھور نے ملاقات کی ہے۔

سرکاری خبررساں ایجنسی ایس پی اے کے مطابق گونر تبوک نے اپنے دفتر میں سفیر پاکستان اوران کے ہمراہ وفد کا خیرمقدم کیا۔ 

شہزادہ فہد بن سلطان نے پاکستان اور سعودی عرب کے گہرے برادرانہ تعلقات اور مختلف شعبوں میں تعاون پر خوشی کا اظہار کیا۔  

اس موقع پر سفیر پاکستان نے گورنر تبوک کے ساتھ دوستانہ ماحول میں بات چیت اور باہمی دلچسپی کے امور پر تبادلہ خیال کیا۔

سفیر پاکستان نے پرتپاک خیرمقدم اور فیاضانہ میزبانی پر گورنر تبوک کا شکریہ ادا کیا۔ انہوں نے متعدد شعبوں میں تبوک میں نظر آنے والی تعمیر و ترقی پر پسندیدگی کا اظہار کیا۔  

آخر میں سفیر پاکستان نے شہزادہ فہد بن سلطان کو یادگاری تحفہ پیش کیا۔