اسلام آباد... پاک، افغان کشیدگی کے خاتمے کیلئے اعلی سطح پر رابطے ہوئے ہیں ۔ افغان صدر اشرف غنی نے وزیراعظم نواز شریف کو خط لکھ کر پارلیمانی وفد کو افغانستان کے دورے کی دعوت د ی ہے ۔ پاکستان نے وفد بھیجنے کی یقین دہانی کرا دی ۔ افغان صدر نے کہا کہ پارلیمانی رابطوں کے ذریعے دو طرفہ کشیدگی کا خاتمہ کرنے میں مدد ملے گی۔نواز شریف نے افغان صدر کی تجویز سے اتفاق کیا ۔ ذرائع نے بتایا کہ اسپیکر قومی اسمبلی ایاز صادق کی سربراہی میں پارلیمانی وفد افغانستان جائے گا ۔ پارلیمانی وفد میں مختلف سیاسی جماعتوں کے سینیئر اراکین پارلیمنٹ شامل ہونگے ۔ پاکستان میں افغان سفیر نے اسپیکر قومی اسمبلی سے ملاقات کرکے پارلیمانی و فد کے دورہ افغانستان کے حوالے سے تبادلہ خیال کیا ہے ۔
