ریاض کے گوداموں میں لگنے والی آگ پر قابو پا لیا گیا
ریاض کے گوداموں میں لگنے والی آگ پر قابو پا لیا گیا
ہفتہ 18 جون 2022 18:28
آگ سے اٹھنے والا کثیف دھواں دور سے دیکھا جاسکتا تھا( فوٹو ٹوئٹر شہری دفاع)
سعودی محکمہ شہری دفاع نے کہا ہے کہ’ ریاض کے علاقے المشاعل کے دو گوداموں میں لگنے والی آگ پرقابو پالیا گیا‘۔
عاجل نیوزکے مطابق محکمہ شہری دفاع نے ٹوئٹر پر بیان میں کہا کہ’ گوداموں میں لگنے والی آگ سے کسی قسم کا جانی نقصان نہیں ہوا‘۔
آگ لگنے کی اطلاع ملتے ہی شہری دفاع کے متعدد یونٹس جائے وقوعہ پرپہنچ گئے جنہوں نے جلد آتشزدگی پرقابو پالیا۔ آگ سے اٹھنے والا کثیف دھواں دور سے دیکھا جاسکتا تھا۔
محکمہ شہری دفاع نے آگ پرقابو پانے کے بعد متاثرہ گوداموں کو متعلقہ ادارے کے حوالے کردیا جو آگ لگنے کی وجہ معلوم کریں گے۔