کرائسٹ چرچ میں کھیلے جانے والی سہ ملکی ٹی20 سیریز کے فائنل میں پاکستان نے نیوزی لینڈ کو پانچ وکٹوں سے ہرا کر ٹورنامنٹ اپنے نام کر لیا ہے۔
جمعے کو کھیلے جانے والے اس میچ میں نیوزی لینڈ نے پہلے بیٹنگ کرتے ہوئے پاکستان کو مقررہ 20 اوورز میں سات وکٹوں کے نقصان پر 163 رنز بنائے تھے۔
اس ہدف کے تعاقب کا آغاز پاکستان کے ٹاپ آرڈر نے انتہائی سست روی سے کیا۔ محمد رضوان نے 29 گیندوں پر 34، بابر اعظم نے 14 گیندوں پر 15 اور شان مسعود نے 21 گیندوں پر 19 رنز بنائے۔
مزید پڑھیں
-
-
-
نیوزی لینڈ کو فائنل میں شکست، پاکستان نے سہ ملکی سیریز جیت لیNode ID: 708901
ٹاپ آرڈر کی بیٹنگ اور مطلوب رنز کی بڑھتی ہوئی اوسط دیکھتے ہوئے ایک وقت پر ایسا لگ رہا تھا کہ پاکستان کے لیے سہ فریقی ٹورنامنٹ کا یہ فائنل جیتنا مشکل ہوگا۔
لیکن پھر آل راؤنڈر محمد نواز اور حیدر علی بیٹنگ کرنے کیریز پر آئے اور ٹاپ آرڈر بیٹرز کی ناقص کارکردگی کا ازالہ اپنی جارحانہ بیٹنگ سے کیا۔
حیدر علی نے 15 گیندوں پر 31 اور محمد نواز نے 22 گیندوں پر 38 رنز بنائے۔ حیدر علی کے آؤٹ ہونے کے بعد افتخار احمد وکٹ پر آئے اور 14 گیندوں پر 25 رنز کی اننگز کھیلی۔
پاکستان کی اس جیت پر سوشل میڈیا پر ہر طرف حیدر علی اور محمد نواز کا ڈنکا بجتا ہوا نظر آ رہا ہے۔
کرکٹ پر گہری نظر رکھنے والے ساج صادق نے اپنی ایک ٹویٹ میں حیدر علی کی بیٹنگ کو ’پاکستان کو میچ میں واپس لانے والی اننگز‘ قرار دیا۔
An innings that has brought Pakistan back into the match. Superb knock from Haider Ali of 31 from 15 balls #nzvspak #Cricket
— Saj Sadiq (@SajSadiqCricket) October 14, 2022
سعد نے ایک ٹویٹ میں لکھا ’ہم نے فائنل اور ٹرافی جیت لی ہے لیکن زیادہ اہم بات یہ ہے کہ ورلڈ کپ میں جانے سے پہلے یہ میچ ہمیں ہمارے مڈل آرڈر نے جتوایا ہے اور وہ حیدر علی جسے ہم جانتے تھے اس کی واپسی ہوئی ہے۔‘
Wo won the final and got the trophy but what's more important going into the WC is that our MIDDLE ORDER won us the game and the Haider Ali we know is back. Massive confidence boost.
— S A A D (@SaadSays22) October 14, 2022
آلراؤنڈر محمد نواز کی بیٹنگ فارم پر بھی صارفین خوشی سے پھولے نہیں سما رہے اور ٹوئٹر ان کے نام کے نعروں سے گونج رہا ہے۔
انڈین صحافی وکرانت گپتا نے نواز کو ورلڈ کپ میں پاکستان کے لیے ’میک اور بریک پلیئر‘ قرار دیا اور کہا کہ وہ پاکستان کے لیے وہ کردار نبھا سکتے ہیں جو انڈیا کے لیے ہاردک پانڈیا ادا کرتے ہیں۔
Nawaz will be Pakistan’s make-or-break player at the World Cup. A bit like Hardik for India #PakvsNZ #T20WorldCup2022
— Vikrant Gupta (@vikrantgupta73) October 14, 2022
بسمہ محمود نے ایک ٹویٹ میں لکھا ’بس ابھی اٹھی ہوں اور اپنی ٹائم لائن دیکھی، قوم چلا چلا کر نواز کو پکار رہی ہے۔‘
Just woke up and saw TL pe qaum chila chila ke Nawaz ko pukaar rahi hai
— Bissmah Mehmud (@bissmahmehmud) October 14, 2022
نیوزی لینڈ کے بولر مائیکل بریس ویل کو ٹورنامنٹ میں آٹھ وکٹیں لینے پر پلیئر آف دا سیریز قرار دیا گیا لیکن انڈین صحافی اویناش آرین یہ بات ذرا پسند نہیں آئی۔
انہوں نے ایک ٹویٹ میں لکھا ’محمد نواز کو پلیئر آف دا ٹورنامنٹ ہونا چاہیے۔‘
Mohammad Nawaz Should be player of the Tournament. Why Michael Bracewell Bhai? for taking 6 wickets? Hadd hai yar. #PAKvsNZ #NZTriSeries #Nawaz
— Avinash Aryan (@AvinashArya09) October 14, 2022
