سعودی عرب میں مقیم شہری فون کالز پر ذاتی معلومات نہ دیں: پاکستانی سفارتخانہ

سعودی عرب میں پاکستانی سفارتخانے نے شہریوں کو خبردار کیا ہے کہ وہ فون کالز پر کسی کو ذاتی معلومات یا بینک اکاؤنٹ کی تفصیلات دینے سے گریز کریں۔

بدھ کو ایک ٹویٹ میں سعودی سفارتخانے کا کہنا تھا کہ ’سعودی عرب میں مقیم پاکستانیوں کو خبردار کیا جاتا ہے کہ ایسی کالز پر توجہ نہ دیں جس میں ذاتی معلومات یا اکاؤنٹ نمبر طلب کیا جائے۔‘

سفارتخانے کی جانب سے جاری انتباہ میں یہ بھی کہا گیا ہے کہ ایسی جعلی فون کالز پر ذاتی معلومات مہیا کرنا مالی نقصان کا باعث بھی بن سکتا ہے۔

سعودی عرب میں پاکستانی سفارتخانے کا مزید کہنا تھا کہ ’یہ کالز منظم گروہوں کی جانب سے کی جا رہی ہیں اور وزارت داخلہ سے ان کا کوئی تعلق نہیں ہے۔‘