ٹریفک قوانین کی خلاف ورزی پر 503 موٹر سائیکلیں ضبط

محکمہ ٹریفک نے کہا ہے کہ قانون کی خلاف ورزی پر 503 موٹر سائیکلیں ضبط کی گئی ہیں۔

سبق ویب سائٹ کے مطابق ضبط  ہونے والی موٹر سائیکلیں ملک بھر میں چلائی جانے والی مہم کا نتیجہ ہیں۔

محکمے نے کہا ہے کہ ’موٹر سائیکل پر وہی ٹریفک قانون لاگو ہوتے ہیں جو گاڑیوں پر ہیں‘۔

’موٹر سائیکل چلانے کی خواہش رکھنے والوں کو چاہئے کہ وہ نمبر پلیٹ، لائسنس اور دیگر ضوابط کی پابندی کریں‘۔

محکمے نے واضح کیا ہے کہ ’ٹریفک اہلکاروں کو واضح ہدایت ہے کہ جہاں کہیں بھی قانون کی خلاف ورزی دیکھیں تو فوری طور پر موٹر سائیکل ضبط کریں‘۔