مدینہ میں امیرنایف اورالسلام کراسنگ کا فلائی اوور کھول دیا گیا 

مدینہ منورہ میں جمعرات کو امیر نایف روڈ اور السلام روڈ کے چوراہے کے فلائی اوور کا افتتاح کردیا گیا۔ 

سعودی خبررساں ایجنسی ’ایس پی اے ‘ کے مطابق  مدینہ منورہ میونسپلٹی نے کہا ہے کہ فلائی اوور سےالسلام روڈ سے مدینہ منورہ کے مغرب میں واقع محلوں کو فائدہ ہوگا۔

مذکورہ فلائی اوور منصوبے کے نیچے کام مکمل کیا  جارہا ہے تاکہ السلام روڈ پوری طرح سے کھول دیا جائے اور اسے سرکلر روڈ ٹو اور مسجد نبوی کے مرکزی علاقے سے جوڑ دیا جائے۔ 

واضح رہے کہ مدینہ میونسپلٹی ان دنوں شہر کی اہم شاہراہوں پر کام کرا رہی ہے۔

السلام روڈ کے افتتاح سے ٹریفک کی روانی میں واضح فرق محسوس ہوگا اس کی بدولت مدینہ منورہ کے شمالی اور جنوبی محلے براہ راست تین ٹریکس کے ذریعے ایک دوسرے سے جڑ جائیں گے۔

اس سے طیبہ یونیورسٹی اور مدینہ  منورہ اسلامی یونیورسٹی کے طلبہ و ملازمین کو بھی سہولت ہوگی۔