مسجد نبوی میں دوران رمضان رضاکاروں کی تعداد 1300 سے زیادہ

مسجد نبوی مدینہ منورہ میں والنٹیئرز سروسز کے خواتین سیکشن کی ڈائریکٹر مروۃ معمرجی نے کہا ہے کہ رمضان کے پہلے عشرے کے دوران رضا کاروں کی تعداد 1300 سے تجاوز کر گئی۔ اس وقت رضاکار ٹیموں کی تعداد 32 ہے۔

الاخباریہ چینل کے معروف پروگرام ’نشرۃ النھار‘ میں گفتگو کرتے ہوئے مروۃ معمرجی نے کہا کہ رمضان میں مسجد نبوی کے زائرین کی خدمت کے لیے اب بھی رضاکارانہ کاموں کے مواقع موجو ہیں جس کےلیے پورٹل کے ذریعے درخواست دی جاسکتی ہے۔

والنٹیئرز سروسز کی ڈائریکٹر کا کہنا تھا کہ مسجد نبوی میں خواتین کی خدمت کے شعبے میں مزید مواقع نہ ہونے کی صورت میں رضا کار کو دوسرے شعبوں میں منتقل کیا جاتا ہے۔

واضح رہے حرمین شریفین میں ہر سال رمضان اور حج کے دوران بڑی تعداد میں رضا کار اپنی خدمات پیش کرتے ہیں۔ 

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں