سعودی وزیرخارجہ سے فرانسیسی ہم منصب کا رابطہ

سعودی وزیر خارجہ شہزادہ فیصل بن فرحان بن عبداللہ سے فرانس کے وزیر برائے یورپ اور خارجہ امور اسٹیفن سیگورنیٹ نے ٹیلی فونک رابطہ کیا۔

سعودی خبررساں ایجنسی ’ایس پی اے ‘ کے مطابق اس موقع پر علاقائی اور عالمی حالات کے علاوہ غزہ پٹی کی تازہ ترین صورتحال پرخصوصی طورپر تبادلہ خیال کیا۔

ٹیلی فونک رابطے میں غزہ کے حالات پر گفتگو کرتے ہوئے مسئلہ کا جلد از جلد بہتر حال تلاش کرنے پر بھی غور کیا گیا ۔

علاوہ ازیں انسانی بنیادوں پر امدادی کاموں کو تیز کرنے کے لیے محفوظ راہداری کی اہمیت پر بھی بحث کی گئی۔