ہیروئن کے 2 ایشیائی سمگلرز کو سزائے موت

وزارت داخلہ نے ہیروئن  کے 2 پاکستانی سمگلروں کی سزائے موت کے احکامات پرعمل درآمد کردیا۔  

سعودی خبررساں ایجنسی ’ایس پی اے‘ کے مطابق وزارت داخلہ کی جانب سے جاری تفصیلی بیان میں کہا گیا ہے کہ پاکستانی ابوزارامیرخان اور عبدالرحمان حق نواز کو مملکت میں ہیروئن سمگل کرنے کے الزام میں گرفتار کیا گیا تھا۔

ابتدائی تحقیقات کے بعد ملزمان نے جرم کا اعتراف کرلیا جس پر ان کا کیس کریمنل کورٹ کو ارسال کیا گیا جہاں قانون کے مطابق انہیں سزائے موت سنا دی گئی۔

عدالتی حکم کے خلاف اپیل دائر کی گئی جسے مسترد کردیا گیا جس کی توثیق اعلی عدالت اور ایوان شاہی سے بھی کردی گئی۔