عادل الجبیر سے چینی ایلچی برائے مشرق وسطی اور سویڈش وفد کی ملاقات

سعودی وزیر مملکت برائے امور خارجہ اور موسمیاتی امور کے ایلچی عادل الجبیر نے اتوار کو ریاض میں وزارت کے ہیڈ کوارٹر میں مشرق وسطی کے لیے چین کے ایلچی کا خیرمقدم کیا۔

ایس پی اے کے مطابق ملاقات میں دونوں دوست ملکوں کے درمیان دوطرفہ تعلقات اور انہیں بڑھانے کے طریقوں کا جائزہ لیا گیا۔

 علاوہ ازیں عادل الجبیر نے سویڈش ڈائیلاگ انسٹی ٹیوٹ برائے مشرق وسطی، شمالی افریقہ کی ڈائریکٹر این میری اور ان کے وفد کاخیرمقدم کیا۔ 

ملاقات میں علاقائی اور بین الاقوامی سطح پر درپیش ایشوز اور امور پر مملکت کے موقف کا جائزہ لیا گیا۔

اس موقع پر سعودی عرب میں سویڈن کی سفیر پیٹرا مینندرا بھی موجود تھیں۔