کوکین سمگل کرنے پر غیر ملکی کو سزائے موت

سعودی وزارت داخلہ نے کہا ہے کہ کوکین سمگل کرنے پر غیر ملکی پر سزائے موت کا فیصلہ نافذ کر دیا گیا ہے۔

سعودی پریس ایجنسی کے مطابق وزارت داخلہ نے کہا ہے کہ ’نائیجیرین تارکن وطن مونین اوری سلیمون کو کوکین سمگل کرتے ہوئے گرفتار کیا گیا تھا‘۔

وزارت نے کہا ہے کہ ’تمام ثبوت اور دلائل کے ساتھ اسے عدالت میں پیش کیا گیا جہاں الزام ثابت ہونے اور زمین میں فساد پھیلانے پر اسے سزائے موت کا فیصلہ سنا دیا گیا‘۔

’بعد ازاں اپیل کورٹ نے زریں عدالت کے فیصلے کی تصدیق کی اور ایوان شاہی نے فیصلے پر عملدرآمد کی منظوری دی ہے‘۔

وزارت نے کہا ہے کہ ’آج بدھ کو مکہ مکرمہ میں عدالت کا فیصلہ نافذ کردیا گیا ہے‘۔