غیر قانونی عازمین کو مکہ لے جانے والے 17 افراد کو سزا

سعودی وزارتِ داخلہ نےکہا ہے کہ حج سیکیورٹی فورسز نے مکہ مکرمہ کے داخلی راستوں پر 8 غیر ملکیوں اور 9 سعودی شہریوں کو گرفتار کیا ہے جو حج کے قوانین و ہدایات کی خلاف ورزی کرتے ہوئے 61 ایسے افراد کو لے جا رہے تھے جن کے پاس حج اجازت نامے نہیں تھے۔

سبق ویب سائٹ کے مطابق زارت نے غیر قانونی طور پر مکہ مکرمہ اور مشاعر مقدسہ میں داخلے کی کوشش کرنے والوں کوٹرانسپورٹ کی سہولت فراہم کرنے والوں کے خلاف کارروائی کی ہے‘۔

وزارت نے کہا ہے کہ ’ایسا کرنے پر قید کے علاوہ ایک لاکھ ریال تک جرمانہ، خلاف ورزی کرنے والے کی تشہیر اور غیر ملکی ہونے پر بے دخلی کی سزا ہوگی‘۔

’غیر ملکی کو سزا مکمل ہونے کے بعد 10 سال کے لیے سعودی عرب میں داخل ہونے سے روک دیا جائے گا‘۔

’ اس کے علاوہ عدالت سے ان گاڑیوں کو ضبط کرنے کا مطالبہ کیا گیا ہے جو نقل و حمل کے لیے استعمال ہوئیں‘۔

وزارت داخلہ نے تمام شہریوں اور غیر ملکیوں سے اپیل کی ہے کہ وہ حج کے ضوابط و ہدایات کی پابندی کریں تاکہ حجاج کرام اپنے مناسک کو امن و سکون کے ساتھ ادا کر سکیں۔