پی ایس ایل 10: کوالیفائر میں اسلام آباد یونائیٹڈ اور کوئٹہ گلیڈی ایٹرز آمنے سامنے ہوں گے

پاکستان سپر لیگ (پی ایس ایل 10) کے کوالیفائر مرحلے کا آغاز ہو گیا ہے۔

پی ایس ایل کوالیفائر راؤنڈ میں بدھ کو اسلام آباد یونائیٹڈ اور کوئٹہ گلیڈی ایٹرز قذافی سٹیڈیم لاہور میں آمنے سامنے ہوں گے۔

دونوں ٹیموں کے درمیان ٹاس مقامی وقت کے مطابق شام سات بجے ہوگا جبکہ میچ کا آغاز ساڑھے سات بجے ہو گا۔

کوئٹہ گلیڈی ایٹرز کی قیادت سعود شکیل کر رہے ہیں جبکہ اسلام آباد یونائیٹڈ کے کپتان شاداب خان ہیں۔

یاد رہے کہ کوئٹہ گلیڈی ایٹرز نے سب سے پہلے کوالیفائرز مرحلے میں رسائی حاصل کی تھی، پوائنٹس ٹیبل پر اس کے 15 پوائنٹس ہیں۔

اسلام آباد یونائیٹڈ کے پوائنٹس ٹیبل پر 12 پوائنٹس ہیں اور وہ دوسرے نمبر پر ہے۔

رواں ایونٹ میں دونوں ٹیموں کے درمیان دو میچز کھیلے جا چکے ہیں اور دونوں میں کوئٹہ گلیڈی ایٹرز نے کامیابی حاصل کی۔