مسجد نبوی میں جمعے کو 270 ٹن سے زیادہ زمزم کی فراہمی

حرمین شرفین کے امور کی جنرل پریذیڈنسی نے جمعے کو مسجد نبوی میں نمازیوں کو 270 ٹن سے زیادہ زمزم  فراہم کیا ہے۔

 ایس پی اے کے مطابق یہ اقدام زائرین کو اعلیٰ معیار کی خدمات کی فراہمی کےلیے جاری کوششوں کا ایک حصہ ہے۔

مسجد نبوی کے صحن، راہداریوں اور فلورز پر رکھے گئے مخصوص کنٹینرز کے ذریعے زمزم  نمازیوں کےلیے آسانی سے دستیاب رہا۔

یہ کنٹینر پانی کو ٹھنڈا رکھنے کے ساتھ معیار کو برقرار رکھنے کے لیے ڈیزائن کیے گئے ہیں۔

مسجد کی انتظامیہ کی جانب سے آب زم زم کی مستقل بنیادوں پر فراہمی کو یقینی بنانے کے لیے باقاعدہ ادارہ موجود ہے جہاں سیکڑوں کارکنان آب زم زم کی فراہمی کے لیے مامور ہیں۔

ادارے کی جانب سے کولرز کے علاوہ مسجد نبوی کے اندرونی مقامات اور روضہ شریفہ کی جانب زائرین کو آب زم زم کی چھوٹی بوتلیں بھی تقسیم کی جاتی ہیں۔