سعودی ولی عہد اور یونانی وزیراعظم کا اسرائیل، ایران کشیدگی پر تبادلہ خیال

سعودی وزیرخارجہ و وزیراعظم شہزادہ محمد بن سلمان سے اتوار کو یونان کے وزیراعظم کیریا کوس میتسو تاکس نے ٹیلی فون پر رابطہ کیا ہے۔

سرکاری خبر رساں ایجنسی ایس پی اے کے مطابق رابطے کے دوران خطے کی حالیہ صورتحال اور ایران کے خلاف اسرائیلی عسکری کارروائیوں کے اثرات پر تبادلہ خیال کیا گیا۔

دونوں رہنماوں نے تحمل، کشیدگی میں کمی اور تمام تنازعات کو سفارتی ذرائع سے حل کرنے کی اہمیت پر بھی زور دیا۔

یہ ٹیلی فونک رابطہ اس وقت ہوا ہے جب اسرائیل اور ایران کے ایکدوسرے پر جاری حملوں سے کشیدگی میں اضافہ ہوا ہے، جس سے وسیع تر تنازع کے خدشات پیدا ہوگئے ہیں۔

عالمی رہنما تمام فریقوں پر کشیدگی میں کمی لانے کےلیے زور دے رہے ہیں۔