سعودی پروگرام جو مستقبل کے ٹورازم لیڈرز کی تربیت کر رہا ہے

سعودی ٹورازم ڈیویلپمنٹ فنڈ نے اپنے چوتھے لیڈرشپ پروگرام کے لیے درخواستوں کا آغاز کر دیا ہے۔

ٹورازم علو پروگرام ایک اہم منصوبہ ہے جس کا مقصد مقامی اور بین الاقوامی جامعات سے فارغ التحصیل باصلاحیت نوجوانوں کو سیاحت کے شعبے میں کیریئر کے مواقع فراہم کرنا ہے۔ یہ پروگرام سعودی وژن 2030 ایک اہم حصہ ہے۔

یہ سپین کی یونیورسٹی آئی ای کے تعاون سے تیار کیا گیا ہے جو فارغ التحصیل نوجوانوں کو مقامی اور عالمی سیاحتی مارکیٹ کی ضروریات کے مطابق عملی تربیت فراہم کرتا ہے۔

شرکا کو ریاض میں فنڈ کے مرکزی دفتر میں عملی تربیت دی جائے گی اور وہ مملکت کے اندر اور بیرون ملک معروف تعلیمی و تربیتی اداروں سے خصوصی کورسز میں بھی شرکت کریں گے۔

اس پروگرام میں سوشل انشورنس، طبی سہولیات، ماہانہ وظیفہ، سالانہ تنخواہ کے ساتھ چھٹیاں اور سیاحت کے اہم منصوبوں میں حصہ لینے کے مواقع فراہم کیے جاتے ہیں۔

یہ پروگرام جن شعبوں پر توجہ دیتا ہے ان میں فنانس، اکاؤنٹنگ، بزنس ایڈمنسٹریشن، انفارمیشن ٹیکنالوجی اور انجینیئرنگ شامل ہیں۔

یہ اقدام نیشنل ٹورازم سٹیریٹجی کی حمایت کرتا ہے جس کا مقصد بدلتی ہوئی مارکیٹ کی ضروریات کو پورا کرنا اور مملکت کو ایک عالمی سیاحتی مقام کے طور پر مضبوط بنانا ہے۔