سعودی کسٹم نے ایک ہفتے میں سمگلنگ کی 1268 کوششوں کو ناکام بنایا
ہفتہ 12 جولائی 2025 20:01
یہ اقدام معاشرے کو ممنوعہ اشیا سے بچانے کی کوششوں کا حصہ ہے۔(فوٹو: ایکس اکاونٹ)
سعودی زکوۃ، ٹیکس اینڈ کسٹمز اتھارٹی نے ایک ہفتے کے دوران بری، بحری اور فضائی پورٹس پر سمگلنگ کی ایک ہزار 268 کوششوں کو ناکام بنایا ہے۔
یہ اقدام معاشرے کو ممنوعہ اشیا سے بچانے اور نیشنل سکیورٹی برقرار رکھنے کی مسلسل کوششوں کا حصہ ہے۔
بیان میں کہا گیا کہ ضبط کی جانے والی ممنوعہ اشیا میں 116 اقسام کی منشیات جس میں حشیش، کوکین، ہیروئن، کرسٹل، کیپٹاگون اور 683 ممنوعہ مواد شامل ہے۔
اتھارٹی نے تمباکو اور اس کی مصنوعات، غیراعلانیہ مالی رقوم کے علاوہ ہتھیار اور اس سے منسلک آلات کے کیسز بھی پکڑے ہیں۔
زکوۃ، ٹیکس اینڈ کسٹمز اتھارٹی نے ملکی درآمدات اور برآمدات پر کسٹم کنٹرول کو مضبوط بنانے، معاشرے کے تحفظ کو یقینی بنانے کے عزم کا اعادہ کیا۔
