Sorry, you need to enable JavaScript to visit this website.

سعودی عرب کے ڈیلیوری سیکٹر میں آرڈرز کی تعداد 129 ملین سے تجاوز

اتھارٹی کے مطابق ریاض میں سب سے زیادہ 44 فیصد ڈیلیوری آرڈر رہے ( فوٹو: ایکس اکاؤنٹ)
سعودی ٹرانسپورٹ جنرل اتھارٹی نے کہا ہے کہ اس سال کی تیسری سہ ماہی کے دوران مملکت میں ہوم ڈیلیوری سروس سیکٹر میں آرڈرز کی تعداد 129 ملین سے تجاوز کرگئی جو گزشتہ برس اسی مدت کے مقابلے میں 25.2 فیصد زیادہ ہے۔
ایس پی اے کے مطابق یہ اضافہ مملکت میں ڈیلیوری خدمات کی بڑھتی ہوئی طلب اور ڈیلیوری ایپلی کیشنز پر بڑھتے ہوئے انحصار کی عکاسی کرتا ہے۔
اتھارٹی کے مطابق ریاض میں سب سے زیادہ 44 فیصد ڈیلیوری آرڈرز کے ساتھ سرفہرست رہا۔ اس کے بعد مکہ ریجن 22 فیصد، الشرقیہ ریجن 16 فیصد، مدینہ ریجن 5 فیصد اور عسیر ریجن میں 4 فیصد کے ساتھ نمایاں رہے۔
 قصیم میں مجموعی آرڈرز کا 3 فیصد جبکہ تبوک اور حائل میں 2 فیصد آرڈر ریکارڈ کیا گیا۔الجوف، حدود الشمالیہ، جازان اور نجران میں ایک فیصد اور الباحہ میں یہ شرح 0.28 فیصد ریکارڈ کی گئی۔
اتھارٹی نے ڈیلیوری کے شعبے کو ترقی دینے، آپریشنل کارکردگی کو بڑھانے اور خدمات کے معیار کو بہتر بنانے کے عزم کا اعادہ کیا۔
ان کوششوں کا مقصد اس شعبے کی ترقی اور پائیداری کو یقینی بنانے کے ساتھ مملکت بھر میں ڈیلیوری سروسز پر اعتماد کو مزید مستحکم بنانا ہے۔

 

شیئر: