سعودی عرب نے تیونس میں 129 ہاوسنگ یونٹس خاندانوں کے حوالے کردیے
سعودی ترقیاتی فنڈ کی مالی اعانت سے چار ہزار 415 یونٹ تعمیر ہوں گے ( فوٹو: ایس پی اے)
سعودی عرب نے تیونس میں 129 ہاوسنگ یونٹس خاندانوں کے حوالے کیے ہیں۔
عرب نیوز کے مطابق اس موقع پر تقریب میں تیونس میں مملکت کے سفیر عبدالعزیز بن علی الصقر اور تیونس کے وزیر ہاوسنگ صلاح زواری موجود تھے۔
ہاوسنگ پروجیکٹ تیونس کے جنوب میں واقع سوسہ گورنریٹ میں سعودی ترقیاتی فنڈ کی مالی اعانت سے مکمل کیا گیا ہے۔
تیونس کے وزیر نے سعودی عرب کی مسلسل سپورٹ اور یکجہتی پر شکریہ ادا کیا اور کہا کہ اس منصوبے سے کم آمدنی والے افراد کو فائدہ ہوگا۔
سعودی سفیر نے اس منصوبے سے فائدہ اٹھانے والے خاندانوں کو مبارکباد دی اور مختلف شعبوں میں تیونس کی ترقی اور خوشحالی کی سپورٹ کےلیے مملکت کے عزم کا اعادہ کیا۔
یہ ہاوسنگ یونٹ تیونس کے متعدد گورنریٹس میں جاری سماجی ہاوسنگ پروگرام کے پہلے مرحلے کا حصہ ہیں۔
اس منصوبے کا مقصد سعودی ترقیاتی فنڈ کی مالی اعانت سے چار ہزار 415 یونٹ فراہم کرنا ہے جن پر 150 ملین ڈالر لاگت آئے گی۔
سعودی ترقیاتی فنڈ کے تعاون سے ماریشش میں ٹیچنگ ہسپتال کا افتتاحNode ID: 877731
سعودی ترقیاتی فنڈ تیونس میں ہسپتال منصوبے کےلیے فنڈ فراہم کرے گاNode ID: 884267
