سعودی ولی عہد کی امیر کویت کو فیوچر انویسٹمنٹ فورم میں شرکت کی دعوت
منگل 22 جولائی 2025 18:10
فیوچر انویسٹمنٹ فورم 20 اگست سے ریاض میں منعقد ہوگا۔ (فوٹو: کونا)
سعودی عرب نے امیر کویت شیخ مشعل الاحمد الجابر الصباح کو فیوچر انویسٹمنٹ انیشییٹو فورم کے نویں ایڈیشن میں شرکت کی دعوت دی ہے۔
کونا کے مطابق امیر کویت کو سعودی ولی عپد شہزادہ محمد بن سلمان کی طرف سے تحریری دعوت نامہ موصول ہوا ہے۔
کویت میں سعودی سفیر شہزادہ سلطان بن سعد بن خالد آل سعود نے منگل کو قصر بیان میں امیر کویت سے ملاقات کی اور دعوت نامہ پیش کیا۔ اس موقع پر سینیئر عہدیدار بھی موجود تھے۔
فیوچر انویسٹمنٹ فورم کا نواں ایڈیشن اس سال 27 سے 30 اکتوبر تک ریاض میں منعقد ہوگا۔
’صحرا میں ڈیووس‘ کے نام سے جانے جانے والا فیوچر انویسٹمنٹ انیشییٹو (ایف آئی آئی) ایک ایسا پلیٹ فارم ہے جہاں عالمی رہنما، چیف اگزیکٹوز اور پالیسی ساز صنعتوں، گورننس اور انسانیت کے مستقبل کی تشکیل کے لیے اکھٹے ہوتے ہیں۔
