مدینہ کے پہاڑی علاقے میں تفریحی و سیاحتی منصوبہ ’المطلل‘

مدینہ منورہ کے پہاڑی علاقے ’حی المجاوات‘ میں تفریحی و سیاحتی منصوبہ ’المطلل‘ اہل علاقہ اور زائرین کے لیے بہترین تفریحی پوائنٹ بن گیا ہے۔

سعودی خبررساں ایجنسی کے مطابق مملکت کے وژن 2030 کے اہداف کے تحت مختلف علاقوں میں ترقیاتی کام تیزی سے جاری ہیں تاکہ تفریح و سیاحتی مقامات میں اضافہ کیا جائے۔

الجماوات کے پہاڑی علاقے میں تعمیر ہونے والا یہ منصوبہ 56 ہزار میٹرمربع پرپھیلا ہوا ہے جو جدید ترین سہولیات سے مزین ہے۔

تفریحی علاقے کی خصوصیت یہ ہے کہ یہ مقام تین اطراف سے پہاڑیوں میں گھرا ہوا ہے جس سے وزیٹرز کو شہر مقدس کی مغربی جانب اور حرم مدنی کا پینورامک منظر دیکھنے کو ملتا ہے۔

المطلل منصوبے میں واکنگ اورسائیکلنگ ٹریکس کے علاوہ آنے والوں کے لیے سبزہ زار بھی موجود ہیں جبکہ صاف ستھرے ہوٹلز اور کافی شاپس بنائے گئے ہیں۔

علاوہ ازیں  اس علاقے میں 340 گاڑیوں کی پارکنگ کا بھی انتظام ہے۔