سعودی آرامکو کا سال کی دوسری سہ ماہی میں 22.67 ارب ڈالر خالص منافع کا اعلان

سعودی آرامکو نے منگل کو 2025 کی دوسری سہ ماہی کے لیے 22.67 ارب ڈالر کے خالص منافع کا اعلان کیا ہے جو مارکیٹ کی مسلسل غیر یقینی صورتحال اور خام تیل کی کم قیمتوں کے باجود اس کی آپریٹنگ مضبوطی اور مالی استحکام کو ظاہر کرتا ہے۔

عرب نیوز کے مطابق آرامکو کی پریس ریلیز میں بتایا گیا کہ سال کے پہلے چھ ماہ میں خالص منافع 48.68 ارب ڈالر رہا۔

کمپنی نے دوسری سہ ماہی کے لیے 21.1 ارب ڈالر کا بنیادی ڈیویڈنڈ اور 219 ملین ڈالر کا کارکردگی سے منسلک ڈیویڈنڈ کا بھی اعلان کیا جس کی ادائیگی تیسری سہ ماہی میں متوقع ہے۔

آرامکو کے سی ای او امین ناصر نے کہا’ آرامکو کی کارکردگی نے پھر اس کی مضبوطی کا ثبوت دیا ہے، جس میں مسلسل شیئرہولڈر منافع اور منظم سرمایہ کاری شامل ہیں۔‘

انہوں نے کہا ’عالمی تیل کی طلب 2025 کے نصف میں یومیہ دو ملین بیرل سے زیادہ بڑھنے کی توقع ہے۔‘

انہوں نے مزید کہا’ ہم طویل مدتی حکمت عملی کے پابند ہیں، جس میں نئی انرجی، مصنوعی ذہانت اور ڈیجٹیل انوویشن میں سرمایہ کاری شامل ہے۔

پہلے چھ ماہ میں کپیٹل اخراجات 24.9 ارب ڈالر تک پہنچ گئے جبکہ خام تیل کی قیمت 71.5 ڈالر فی بیرل تک گر گئی جو پچھلے برس اسی مدت میں 84.3 ڈالر تھی۔