سعودی محکمہ شہری دفاع کا سنیچر تک بارش کا الرٹ، احتیاط کا مشورہ
مکہ ریجن،جازان، عسیر اور الباحہ ریجن بھی بارش کی زد میں رہیں گے (فوٹو ایس پی اے)
سعودی عرب کے محکمہ شہری دفاع نے مملکت بھر میں سنیچر تک بارش کا الرٹ جاری کیا ہے۔
محکمہ شہری دفاع نے ایکس اکاونٹ پر بیان میں کہا کہ درمیانے درجے سے شدید بارش سے متاثر ہونے والے علاقوں میں سیلاب، ژالہ باری اور گرآلود ہوائیں چلنے کا بھی امکان ہے۔
مکہ مکرمہ ریجن میں مکہ شہر، طائف، میسان، اضم، العرضیات، الجموم، بحرہ، المویہ، الخرمہ، رنیہ، اللیث، القنفذہ اور الکامل بارش سے متاثر ہوں گے۔
جبکہ جازان، عسیر اور الباحہ ریجن بھی بارش کی زد میں رہیں گے۔
بیان میں شہریوں کو احتیاطی تدابیر کے ساتھ خود کو محفوظ مقامات تک محدود رکھنے کا مشورہ دیا گیا ہے۔
’سیلاب سے متاثرہ مقامات، وادیوں اور نشیبی مقامات سے دور رہیں۔ ایسے مقامات پر جہاں بارش کا پانی جمع ہو تیراکی سے گریز کیا جائے‘۔
سرکاری چینلز اور سوشل میڈیا پلیٹ فارمز کے ذریعے اعلان کردہ شہری دفاع کی ہدایات پر عمل کیا جائے۔
مملکت کے کن علاقوں میں آئندہ ہفتے بارشوں کا امکان ہے؟Node ID: 893128
