بڑی سکرین پر راج کرنے والی فلم ’سیارہ‘ نیٹ فلکس پر کب ریلیز ہو رہی ہے؟

آہان پانڈے اور انیت پڈا کی فلم سیارہ بڑی سکرین پر راج کر رہی ہے۔ اس کے سینما میں رونمائی کے اختتام سے پہلے ہی قیاس آرائیوں ہو رہی ہیں کہ یہ او ٹی ٹی پلیٹ فارم پر کب ریلیز ہوگی۔

شوبز ویب سائٹ کوئی موئی کے مطابق رپورٹس بتاتی ہیں کہ یہ رومانوی میوزیکل فلم اس ستمبر میں نیٹ فلکس پر سٹریم کرنے کے لیے تیار ہے۔ یہ عندیہ مبینہ طور پر یش راج فلمز کے کاسٹنگ ڈائریکٹر شانو شرما نے دیا ہے۔

اگرچہ میکرز نے باضابطہ طور پر کسی بات کی تصدیق نہیں کی ہے، لیکن یش راج فلمز کے کاسٹنگ ڈائریکٹر شانو شرما نے مداحوں کو ایک بڑا عندیہ دیا ہے۔ انہوں نے حال ہی میں اپنی انسٹاگرام سٹوری پر ’او ٹی ٹی فلکس‘کی ایک پوسٹ کو دوبارہ شیئر کیا جس میں دعویٰ کیا گیا ہے کہ سیارہ 12 ستمبر 2025 کو نیٹ فلکس پر سٹریم کرے گی۔ 

اجے دیوگن کی سن آف سردار 2 اور دھڑک 2 جیسی تازہ تھیٹر ریلیز کے مقابلے کے باوجود جس میں ترپتی ڈمری اور سدھانت چترویدی اداکاری کر رہے ہیں، سیارہ باکس آفس پر زبردست کارکردگی دکھا رہی ہے۔

یہ فلم 12اگست تک 25 دنوں میں 327 کروڑ انڈین روپے کا بزنس کر چکی ہے۔

فلم ’سیارہ‘ میں دو نئے چہروں آہان پانڈے اور انیت پاڈا کو متعارف کروایا گیا ہے۔

فلم میں آہان پانڈے اور انیت پڈا نے دو جذباتی عاشقوں کا کردار نبھایا ہے جو ایک پیچیدہ مگر پرجوش تعلق میں الجھے ہوتے ہیں۔ ان کی کہانی میں کبھی خوشی کی انتہا ہوتی ہے تو کبھی دل توڑ دینے والے لمحات آتے ہیں۔

فلم کے ٹریلر کے سامنے آتے ساتھ ہی فلم بین دونوں اداکاروں کو سراہتے رہے ہیں تاہم فلم کی ریلیز کے بعد نقادوں اور مداحوں نے نئے چہروں کی تعریف کی ہے۔