سعودی سفیر نے سوئٹزر لینڈ کی صدر کو اسناد سفارت پیش کردیں
ملاقات کے دورران سعودی قیادت کی طرف سے تہنیتی پیغام بھی دیا (فوٹو: ایس پی اے)
سوئزرلینڈ میں نئے سعودی سفیر عبدالرحمن الداود نے منگل کو سوئس کنفیڈریشن کی صدر کیرن کیلر سٹر کو اسناد سفارت پیش کردیں۔
ایس پی اے کے مطابق سعودی سفیر نے سوئس دارالحکومت برن کے صدارتی محل میں منعقدہ ایک سرکاری استقبالیہ تقریب میں اسناد پیش کیں۔
سعودی سفیر نے ملاقات کے دورران سعودی قیادت کی طرف سے تہنیتی پیغام دیا، سوئس حکومت اورعوام کی ترقی و خوشحالی کے لیے نیک خواہشات کا اظہار کیا۔
سوئس صدر نے بھی سعودی قیادت کے لیے تہنیتی پیغام دیا اور دونوں ملکوں کے درمیان تعلقات کی سطح کو سراہا۔
انہوں نے سعودی سفیر کا خیرمقدم کرتے ہوئے ان کے فرائض میں کامیابی کی خواہش ظاہر کی۔
