Sorry, you need to enable JavaScript to visit this website.

اسحاق ڈار اور سعودی وزیرِ خارجہ کا رابطہ، علاقائی صورتِ حال پر مشاورت جاری رکھنے پر اتفاق

اسحاق ڈار اور اُن کے سعودی ہم منصب شہزادہ فیصل بن فرحان نے آر فور ممالک کے وزرائے خارجہ کے اجلاس کے ممکنہ انعقاد پر بھی گفتگو کی (فائل فوٹو: سعودی وزارتِ خارجہ)
پاکستان کے نائب وزیرِاعظم و وزیرِ خارجہ سینیٹر محمد اسحاق ڈار نے آج مملکتِ سعودی عرب کے وزیرِ خارجہ شہزادہ فیصل بن فرحان آل سعود سے ٹیلی فون پر گفتگو کی۔
پاکستانی دفترِ خارجہ کے مطابق دونوں رہنماؤں نے کثیرالجہتی فورمز پر باہمی تعاون اور مشترکہ دلچسپی کے امور پر رابطہ کاری کو مزید مؤثر اور مضبوط بنانے کے طریقوں پر تبادلۂ خیال کیا۔
اُنہوں نے علاقائی صورتِ حال پر مشاورت کا سلسلہ جاری رکھنے کے لیے مستقبل قریب میں آر فور (R4) ممالک کے وزرائے خارجہ کے اجلاس کے ممکنہ انعقاد پر بھی گفتگو کی۔
دونوں جانب سے اِس بات پر اتفاق کیا گیا کہ سفارتی روابط کے تسلسل اور اِن کی رفتار کو برقرار رکھنے کے لیے ایک دوسرے سے قریبی رابطہ رکھا جائے گا۔

شیئر: