سعودی عرب میں دو ہزار 748 نئی اربن ہیریٹج سائٹس کا اندراج
کل رجسٹرڈ تاریخی مقامات کی تعداد 36 ہزار 919 ہوگئی ہے (فوٹو: ایس پی اے)
سعودی عرب کے ہیریٹج کمیشن نے نیشنل اربن ہیریٹج رجسٹر میں دو ہزار 748 نئی سائٹس کا اندراج کیا ہے، کل رجسٹرڈ تاریخی مقامات کی تعداد 36 ہزار 919 ہوگئی ہے۔
ایس پی اے کے مطابق نئی رجسٹرڈ سائٹس مملکت کے کئی علاقوں میں ہیں۔ عسیر میں ایک ہزار 729، مکہ مکرمہ میں 635، باحہ میں 340، حدود الشمالیہ میں 8 اور ایک حائل میں ایک سائٹ شامل ہے۔
کمیشن نے کہا’ یہ اقدام ہیریٹج سائٹس کے قانونی تحفظ کو بڑھانے، ان کی بحالی کی سپورٹ، ان میں سرمایہ کاری کی حوصلہ افزائی اور ان کی تاریخی اور شہری اہمیت کو اجاگر کرنے کے سٹرٹیجک منصوبے کا حصہ ہے۔‘
یہ رجسٹریشن نوادرات، عجائب گھروں اور شہری ورثے کے قانون کے نفاذ کے بعد کی گئی۔ کمیشن کے بورڈ آف ڈائریکٹرز نے ایک فیصلے کے ذریعے ادارے کے سی ای او کو ورثے اور آثار قدیمہ کے مقامات کو رجسٹر کرنے اور ان کے تحفظ کا اختیار دیا ہے۔
کمیشن نے شہریوں اور رہائشیوں سے کہا کہ’ وہ بلاغ پلیٹ فارم، آفیشل سوشل میڈیا اکاونٹس یا مقامی برانچوں کے ذریعے غیر رجسٹرڈ ہیریٹج سے متعلق اطلاع دیں۔‘
’علقان ہیریٹج ویلج‘ سعودی عرب کے ماضی کی ایک جھلکNode ID: 891351
