شہزادہ فیصل بن فرحان اور برطانیہ کی نئی وزیرخارجہ یویٹ کوپر کا رابطہ

سعودی وزیر خارجہ شہزادہ فیصل بن فرحان اور برطانیہ کی نئی وزیرخارجہ یویٹ کوپر کا پیر کو ٹیلی فون پر رابطہ ہوا ہے۔

ایس پی اے کے مطابق شہزادہ فیصل بن فرحان نے یویٹ کوپر کو عہدہ سنبھالنے پر مبارکباد دی اور اس امید کا اظہار کیا کہ سعودی عرب اور برطانیہ مشترکہ مفادات کو پورا کرنے کےلیے جوائنٹ ورک جاری رکھیں گے، خطے اور دنیا میں امن کوششوں کو فروغ دیں گے۔

دونوں وزرائے خارجہ نے خطے کی صورتحال اور اس حوالے سے کی جانے والی کوششوں پر بھی تبادلہ خیال کیا۔

یاد رہے برطانوی وزیراعظم کیئرسٹارمر نے کابینہ میں ردو بدل کرتے ہوئے وزیرخارجہ ڈیوڈ لیمی کو نائب وزیراعظم جبکہ ان کی جگہ یویٹ کوپر کو نیا وزیر خارجہ مقرر کیا ہے۔

پاکستان نژاد شبانہ محمود کو برطانیہ کا وزیر داخلہ بنایا گیا ہے جو اس سے قبل وزیر انصاف کے طور پر کام کررہی تھیں۔