سعودی قیادت کی جانب سے تاجکستان کو یوم آزادی پر مبارکباد

خادم حرمین شریفین شاہ سلمان بن عبدالعزیز آل سعود اور ولی عہد و وزیر اعظم شہزادہ محمد بن سلمان بن عبد العزیز آل سعود نے تاجکستان کے صدرامام علی رحمن کو ان کے ملک کے یوم آزادی پر مبارکباد پیش کی ہے۔

سعودی پریس ایجنسی کے مطابق سعودی قیادت نے تاجک صدر کو تہنیتی پیغام روانہ کئے ہیں۔

سعودی قیادت نے صدر امام علی رحمن کے نام روانہ کئے جانے والے مکتوب میں کہا ہے کہ ’ہم آپ کے لیے صحت و عافیت اور خوشحال زندگی اور تاجکستان کے لیے مزید ترقی و کامرانی کی امید رکھتے ہیں‘۔