مکہ مکرمہ: نومولود کے دل کا نازک آپریشن کامیاب

مکہ مکرمہ کے ام القری مرکز میں امراض اطفال کی ٹیم نے نومولود کے دل کی اوپن ہارٹ سرجری کامیابی سے مکمل کرلی۔ بچے کی عمر 10 دن اور وزن 3.5 کلو گرام تھا۔

سعودی خبررساں ادارے ’ایس پی اے‘ کے مطابق مکہ مکرمہ کے امراض اطفال ہسپتال میں ایک دس دن کے نومولود کو لایا گیا جسے سانس کی شدید تکلیف تھی۔

ڈاکٹروں نے فوری طورپر نومولود کو مصنوعی تنفس پر لگایا اور اس کا الٹرا ساونڈ کیا جس سے معلوم ہوا کہ اس کے دل کی شریان پیدائشی طورپرتنگ ہے جس کی وجہ سے بچے کو مناسب مقدار میں اکسیجن کی فراہمی نہیں ہورہی۔

ڈاکٹروں نے فوری طورپر بچے کا آپریشن کرنے کا فیصلے کیا جس کے لیے تمام طبی معائنہ کرنے کے بعد آپریشن کیا گیا۔

اپنی نوعیت کا انتہائی پیچیدہ اور نازک آپریشن کامیاب رہا جس میں چار گھنٹے سے زیادہ وقت لگا۔ آپریشن اس لیے بھی حساس اور نازک تھا کہ بچہ دس دن کا تھا اور اس کے دل کی شریانیں بہت نازک اور چھوٹی تھیں تاہم آپریشن کی کامیابی کے بعد بچے کی حالت بہتر ہونا شروع ہوگئی اور اسے اکسیجن کی فراہمی 90 فیصد تک بحال ہو گئی۔