ہلال الاحمر کی مسجد الحرام کے کارکنوں کو ’ فرسٹ ایڈ‘ کی تربیت
ہلال الاحمر کی مسجد الحرام کے کارکنوں کو ’ فرسٹ ایڈ‘ کی تربیت
جمعرات 11 ستمبر 2025 22:16
نظام تنفس اور دیگر ہنگامی حالتوں میں طبی امداد فراہم کرنے کی تربیت دی گئی(فوٹو، ایس پی اے)
سعودی ہلال الاحمر نے مسجد الحرام کے کارکنوں کو ابتدائی طبی امداد کی تربیت دینے کے لیے تعلیمی ورکشاپ کا اہتمام کیا۔
سعودی خبررساں ایجنسی ’ایس پی اے‘ کے مطابق فرسٹ ایڈ ٹریننگ پروگرام کے تحت ریجنل ہلال الاحمر کی ٹیموں نے مسجد الحرام کے کارکنوں کو ہنگامی حالات سے نمٹنے کی تربیت دی جس سے 3860 افراد مستفیض ہوئے۔
ہلال الاحمر کے ٹریننگ کورسز میں کارکنوں کو ہنگامی حالات میں پیش آنے والوں کو فوری طبی امداد کی فراہمی کے طریقوں سے آگاہ کیا گیا جن میں بے ہوش ہونا ، سانس لینے میں رکاوٹ، خون بہنا، معمولی زخمی ہونے والوں کو طبی امداد فراہم کرنے کے بارے میں عملی طورپر بھی بتایا گیا۔
دل کے امراض سے متعلق حالات سے نمٹنے کے لیے الیکٹریکل شاکس ’ایے ای ڈی‘ سسٹم پر بھی اہلکاروں کو تربیت فراہم کی گئی ۔
کارکنوں کی سہولت کے لیے تربیتی لیچکرز اردو اور عربی میں دیئے گئے(فوٹو، ایکس )
ہلال الاحمر کی جانب سے مسجد الحرام کے کارکنوں کے مطابق مختلف گروپس بنائے گئے جن کے تحت انہیں عربی اور اردو زبان میں تربیت فراہم کی گئی تاکہ کارکنوں کو ان کی زبان میں آسانی سے سمجھایا جاسکے۔
