جمعے کو مملکت کے کس شہر میں سب سے زیادہ درجہ حرارت رہا؟

موسمیات کے قومی مرکز نے جمعہ 12 ستمبر 2025 کو سعودی عرب کے مختلف علاقوں میں درجہ حرارت کے حوالے سے رپورٹ جاری کی ہے۔

عاجل نیوز کے مطابق موسمیاتی مرکز کا کہنا ہے کہ جمعے کو سب سے زیادہ درجہ حرارت الاحساء میں 45 سینٹی گریڈ ریکارڈ کیا گیا جبکہ سب سے کم درجہ حرارت 13 السودۃ میں رہا۔

قومی مرکز کے مطابق دمام، حفر الباطن میں 44، مدینہ منورہ، بریدہ اور الخرج میں 43، ریاض، شرورہ اور العلا میں 42 سینٹی گریڈ درجہ حرارت رہا۔

موسمیاتی مرکز نے بتایا کہ مکہ مکرمہ، حائل اور سکاکا میں 40، تبوک، عرعر اور نجران میں 39، ینبع میں 38، جدہ میں 36، طائف میں 33، ابہا  میں 29 اور الباحہ میں درجہ حرارت 28 سینٹی گریڈ ریکارڈ کیا گیا۔