کسٹم کارروائیاں، ایک ہفتے میں منشیات سمیت 14 سو ممنوعہ اشیا ضبط
ضبط کی جانے والی اشیا میں کرنسی اور اسلحہ بھی شامل تھا(فوٹو، ایکس اکاونٹ)
کسٹم و ٹیکس اتھارٹی کا کہنا ہے کہ گزشتہ ایک ہفتے کے دوران بری ، سمندری اور فضائی کسٹم پورٹس پر اہلکاروں نے منشیات سمیت 14 سو سے زائد ممنوعہ اشیا ضبط کیں۔
اخبار 24 کے مطابق کسٹم اتھارٹی کی جانب سے جاری ہونے والے بیان میں مزید کہا گیا ہے کہ گزشتہ ایک ہفتے میں مملکت کے مختلف علاقوں میں کسٹم حکام نے تفتیشی کارروائیوں کے دوران 35 اقسام کی منشیات جن میں چرس ، کوکین ، ہیروئن ، کیپٹاگون وغیرہ شامل تھیں ضبط کیں۔
کسٹم اہلکاروں نے بری ، سمندری اور فضائی ذریعے سے آنے والوں کے قبضے سے 1029 تمباکو کی ممنوعہ مصنوعات کے علاوہ 18 طرح کی کرنسی اور 5 اقسام کا اسلحہ اور اس کے لوازمات بھی ضبط کیے۔
ضبط کی جانے والی ممنوعہ اشیا اور منشیات متعلقہ ادارے کے حوالے کر دی گئیں جہاں ان افراد کے خلاف قانونی کارروائی عمل میں لائی گئی۔
