سعودی قیادت کی جانب سے ایل سلواڈور کو یوم آزادی پر مبارکباد

خادم حرمین شریفین شاہ سلمان بن عبد العزیز آل سعود اور ولی عہد و وزیر اعظم شہزادہ محمد بن سلمان بن عبد العزیز آل سعود نے ایل سلواڈور کے صدر نجیب بوکیلہ کو ان کے ملک کے یوم آزادی پر مبارکباد پیش کی ہے۔

سعودی پریس ایجنسی کے مطابق سعودی قیادت نے ایل سلواڈور کے صدر کو تہنیتی پیغام روانہ کئے ہیں۔

سعودی قیادت نے صدر نجیب بوکیلہ کے نام روانہ کئے جانے والے مکتوب میں کہا ہے کہ ’ہم آپ کے لیے صحت و عافیت اور خوشحال زندگی اور ایل سلواڈور کے لئے مزید ترقی و کامرانی کی امید رکھتے ہیں‘۔