سعودی خبررساں ادارے ’ایس پی اے‘ کے مطابق اقدام کے تحت رواں برس مدینہ منورہ شہر اور ریجن کی مساجد کے اطراف اور بیرونی صحنوں میں ایک لاکھ پودے اگائے جائیں گے۔
شجر کاری کا یہ عمل پانچ مراحل پر مشتمل ہے جس کا مقصد علاقے کو سرسبز بنانا ہے تاکہ ماحولیاتی تحفظ کو یقینی بنایا جاسکے۔
سبزہ زاروں میں اضافے کا رضاکارانہ منصوبہ مرحلہ وار مکمل کیا جائے گا جس میں 7400 سے زائد مرد وخواتین رضاکار شرکت کریں گے۔
مہم میں 7400 مرد و خواتین رضاکار شرکت کریں گے(فوٹو، ایس پی اے)
اس موقع پر وزیر اسلامی امور آل الشیخ نے واضح کیا کہ خادم حرمین شریفین شاہ سلمان بن عبدالعزیز آل سعود اور ولی عہد مملکت و وزیراعظم شہزادہ محمد بن سلمان بن عبدالعزیز آل سعود کی جانب سے وزارت اسلامی امور کو ہمیشہ تعاون حاصل رہا ہے۔
انہوں نے اس بات پر زور دیا کہ وزارت کی جانب سے رب تعالی کے گھروں کی خدمت کے لیے مثالی منصوبوں پر عمل کیا جاتا ہے۔
