دس مرتبہ خون کا عطیہ کرنے والے 308 سعودی شہریوں کے لیے میڈل آف میرٹ
2005 میں 22 ہزار سے زیادہ شہریوں کو میڈل دیے جا چکے ہیں (فوٹو: سبق)
سعودی عرب کے فرما نروا شاہ سلمان بن عبدالعزیز نے دس مرتبہ خون کا عطیہ دینے والے 308 شہریوں کو تیسرے درجے کا میڈل آف میرٹ دینے کی منظوری دی ہے۔
سرکاری خبررساں ایس پی اے کے مطابق شہریوں کو میڈل کے علاوہ اسناد بھی دی جائیں گی۔
یاد رہے سعودی ولی عہد شہزادہ محمد بن سلمان نے گزشتہ ماہ خون کا عطیہ دینے کی قومی مہم کا آغاز کرتے ہوئے اور معاشرے کے تمام افراد کو خون کا عطیہ دینے کی ترغیب دی تھی۔
وزیر صحت فہد الجلاجل کے مطابق’ 2005 سے اب تک 22 ہزار سے زیادہ شہریوں کو بار بار خون کے عطیات دینے پر کنگ عبدالعزیز میڈل تھرڈ کلاس دیے گئے ہیں۔‘
عالمی ادارہ صحت کی جانب سے سالانہ قومی مہم کے اثرات اور سکیل کی تعریف کی گئی تھی۔
