عربی رسم الخط کی خطاطی کے مقابلے کے لیے تین زمرے متعین کیے گئے ہیں جن میں ’خط الثلث ، الرقعہ اور الدیوان الجلی‘ ہیں۔
خطاطی کی جانچ کے لیے خصوصی کمیٹی مقرر کی گئی ہے جس کے شرکاء اس فن کی باریکیوں سے مکمل طورپر آگاہ ہیں ۔
واضح رہے عربی خطاطی کے مقابلے کے انعقاد کا مقصد اس فن کو تقویت دینا ہے جو سعودی عرب کی ثقافتی شناخت اور عرب ، اسلامی ورثے کا تحفظ و فروغ ہے۔
ریاض انٹرنیشنل کتب میلے کا آغاز 2 اکتوبر کو کیا گیا تھا(فوٹو، ایس پی اے)
ریاض انٹرنیشنل بک فیئر 2025 کا آغاز 2 اکتوبر کو کیا گا تھا جس میں 25 ممالک سے دوہزار کے قریب مقامی اور بین الاقوامی اشاعتی ادارے شرکت کررہے ہیں۔
امسال ہونے والے اس کتب میلے میں ازبکستان اعزازی مہمان کے طورپر شرکت کررہا ہے جو اس بات کی علامت ہے کہ سعودی عرب کے ساتھ اس کے ثقافتی تعلقات مستحکم ہیں۔
کتب میلے میں بچوں کی دلچسپی کا بھی خصوصی اہتمام کیا گیا ہے جہاں ہر عمر کے بچوں کے لیے مختلف سرگرمیوں کا انتظام موجود ہے۔
