ریاض سیزن 2025 میں 25 ہزار براہ راست اور ایک لاکھ بالواسطہ ملازمتیں

سعودی انٹرٹیمنٹ اتھارٹی کے چیئرمین ترکی آل الشیخ نے اس توقع ظاہر کی کہ ’ریاض سیزن 2025  کے دوران 25 ہزار سے زیادہ براہ راست اور ایک لاکھ بالواسطہ ملازمتوں کے مواقع نکلیں گے۔

ترکی آل الشیخ نے بتایا کہ ’سیزن کا باقاعدہ آغاز 10 اکتوبر سے کیا جارہا ہے، موجودہ سیزن کا آغاز سابقہ تمام سیزنز سے مختلف ہوگا۔‘

آل الشیخ کا مزید کہنا تھا ’ گزشتہ برس کے ریاض سیزن کی 110 ارب سوشل میڈیا تاثرات جبکہ 100 ممالک سے 3300 میڈیا وزٹس ملے، 135 ممالک سے 20 ملین وزیٹرز ریکارڈ کیے گئے۔ انہوں نے کہا’ اس سال ہمارا ہدف اس ریکارڈ میں اضافہ کرنا ہے کہ اگرچہ رمضان کی وجہ سے دورانیہ کم بھی ہوگا۔‘

انہوں نے یہ بھی بتایا ’ریاض سیزن کی مارکیٹ ویلیو گزشتہ ماہ تک 3.2 ارب ڈالر تک پہنچ گئی۔‘

یاد رہے ریاض سیزن کی افتتاحی تقریب کا آغاز 10 اکتوبر کو چار بجے سہ پہر ہوگا۔ 25 سے زائد فلوٹس اور 3 ہزار فنکار اس رنگا رنگ تقریب میں شریک ہوں گے۔