سعودی وزارت اسلامی امور و دعوہ والارشاد کو رضاکارانہ امور میں غیرمعمولی کامیابی حاصل ہوئی ہیں۔

رواں برس کی تیسری سہ ماہی کے دوران ایک لاکھ 600 رضاکاروں کی جانب سے 6.6 ملین گھنٹے خدمات انجام دی گئی ہیں۔

سبق نیوز کے مطابق مملکت کے مختلف علاقوں میں وزارت اسلامی امور کے تحت رضاکاروں نے خدمات انجام دیں جن کے ذریعے 6800 سے زائد امور انجام دیے گئے۔

رضاکاروں کی خدمات سے وزارت اسلامی امور کو مالی فوائد کی مد میں 50 ملین ریال سے زائد بچت بھی ہوئی۔ اگر ان کاموں کے لیے ملازمین کی خدمات حاصل کی جاتی تو ادائیگیاں کی جاتیں۔

وزارت افرادی قوت کی جانب سے جاری رپورٹ میں بتایا گیا کہ ’معاشرتی امور میں رضاکارانہ کاموں میں اضافہ دیکھا گیا جو اس بات کا ثبوت ہے کہ معاشرے کی خدمت اور فلاح کے حوالے سے رضاکارانہ طورپر خدمات انجام دینے والوں کی کمی نہیں۔‘