شیخ محمد العیسیٰ کی صدر پاکستان اور وزیر اعظم سے ملاقات

صدر پاکستان آصف علی زرداری نے اسلام آباد میں رابطہ عالم اسلامی کے سیکریٹری جنرل اور مجلس علمائے مسلمین کے صدر شیخ ڈاکٹر محمد العیسیٰ کا استقبال کیا ہے۔

سعودی پریس ایجنسی کے مطابق صدر پاکستان نے نفرت انگیز نظریات اور رویّوں، خصوصاً اسلاموفوبیا کی مہمات سے نمٹنے میں رابطہ عالم اسلامی کے کردار اور خدمات کو اعلیٰ درجے کی قدر و تحسین سے سراہا ہے۔

اسی طرح پاکستان کے وزیرِاعظم شہباز شریف نے بھی رابطہ عالم اسلامی کے سیکریٹری جنرل کا استقبال کیا ہے۔

انہوں نے اسلام کی حقیقی تعلیمات کو واضح کرنے کے لیے رابطہ کی عالمی سطح پر کی جانے والی کاوشوں کو سراہا ہے۔