ضوابط کی خلاف ورزیاں، 10 ریکروٹنگ ایجنسیاں سیل،27 کے لائسنس منسوخ
اتوار 19 اکتوبر 2025 17:59
دی گئی مہلت کے دوران ایجنسیوں نے خلاف ورزیوں کو درست نہیں کیا تھا۔( فوٹو: سبق)
سعودی وزارتِ افرادی قوت کی تفتیشی ٹیموں نے رواں برس کی تیسری سہ ماہی کے دوران 37 ریکروٹنگ ایجنسیوں میں خلاف ورزیاں ریکارڈ کی ہیں۔
اخبار 24 کے مطابق مقررہ ضوابط پرعمل نہ کرنے والی 10 ایجنسیوں کو سیل کیا گیا جبکہ 27 ایجنسوں کے لائسنس منسوخ کردیےگئے۔ دی گئی مہلت کے دوران خلاف ورزیوں کو درست نہیں کیا تھا۔
ریکارڈ کی جانے والی خلاف ورزیوں میں صارفین کی شکایات پرتوجہ نہ دینا، ریکروٹننگ کے ضوابط پرعمل نہ کرنا اور صارفین کو واپس کی جانے والی رقم میں تاخیر کرنا شامل تھا۔
وزارت کا کہنا تھا’ افرادی قوت کی ایجنسیوں کی نگرانی کا عمل مستقل بنیادوں پر جاری رکھا جاتا ہے۔ تفتیشی ٹیمیں معمولی سے معمولی خلاف ورزی کو بھی ریکارڈ کرتی ہیں۔‘
