مجوزہ 27ویں آئینی ترمیمی بل کا مسودہ آج سینیٹ میں پیش کیا جائے گا

پارلیمنٹ کے دونوں ایوانوں کے ارکان پر مشتمل قانون و انصاف کی کمیٹی کی منظور کے بعد مجوزہ 27ویں آئینی ترمیمی بل کی رپورٹ آج سینیٹ میں پیش کی جائے گی۔

سینیٹ کا اجلاس آج گیارہ بجے شروع ہوگا۔ سینیٹر فاروق ایچ نائیک 27ویں آئینی ترمیمی بل پر کمیٹی کو رپورٹ پیش کریں گے جبکہ سینیٹر اعظم نذیر تارڑ 27ویں آئینی ترمیمی بل کو فوری غور کے لیے پیش کریں گے۔

اتوار کی شب وزیراعظم شہباز شریف نے حکومتی اور اتحادی جماعتوں کے  سینیٹرز کے اعزاز میں عشائیہ دیا۔

اس موقعے پر انہوں نے حکومتی اور اتحادی جماعتوں کے سینیٹرز کا خیرمقدم اور 27ویں آئینی ترمیم کی منظوری کے عمل میں ان کے تعاون کا  شکریہ ادا کرتے ہوئے کہا کہ ’وفاق کی مضبوطی، ملک کے وسیع مفاد، صوبوں  کے درمیان ہم آہنگی بڑھانے اور گورننس کو بہتر کرنے کے لیے ہم سب نے مل کر کوشش کی۔‘

اتوار کو محمود خان اچکزئی نے اپوزیشن رہنماؤں علامہ ناصر عباس اور مصطفیٰ نواز کھوکھر اور دیگر رہنماؤں کے ہمراہ پریس کانفرنس کرتے ہوئے کہا کہ 27ویں ترمیم کے خلاف سخت مزاحمت کی جائے گی اور پارلیمنٹ کو چلنے نہیں دیا جائے گا۔

ان کے مطابق ’یہ پاکستان کی بنیادوں پر حملہ ہے جبکہ اس کے بارے میں عوام کو غلط تاثر دیا جا رہا ہے۔