پہاڑوں اور جزیروں کا خطہ جازان، وژن 2030 کے تحت پائیدار سیاحت کا نمونہ

سعودی عرب کا جازان ریجن سیاحوں میں دن بہ دن مقبول ہوتا جا رہا ہے۔ یہاں بلند پہاڑ، سبز و شاداب میدان، اور بحیرۂ احمر کے خوبصورت جزیرے موجود ہیں۔

یہ علاقہ اپنے ثقافتی ورثے اور مختلف قدرتی مناظر کی وجہ سے تفریح اور مہم جوئی کرنے کے لیے بہترین ہے۔

جازان ریجن گورنریٹ اور حکومتی اداروں نے وژن 2030 کے مطابق پائیدار سیاحت کو فروغ دینے کے لیے غیرمعمولی اقدامات کیے ہیں۔

اس میں ایسے وسیع ترقیاتی منصوبے شامل ہیں جو انفراسٹرکچر، سڑکیں اور سہولتیں بہتر بنا کر ماحولیاتی معیارات کے مطابق تیار کیے گئے ہیں۔

ترقیاتی منصوبوں نے نجی شعبے کی بھی حمایت کی جس کے نتیجے میں ایکو ریزوٹس اور ہوٹل قائم ہوئے اور مقامی نوجوانوں کے لیے مہمان نوازی اور ماحولیاتی سیاحت میں معیاری روزگار کے مواقع پیدا ہوئے۔

جازان میں زرعی زمینیں، دھند میں لپٹے قدیم گاؤں، خولانی کافی فارم، وادیاں، اور گرم چشمے موجود ہیں جو مہم جوئی اور سکون دونوں کے لیے بہترین ہیں۔

ساحلی علاقے میں جزائر فراسان میں صاف ستھری ساحلی پٹی اور منفرد مرجان کی چٹانیں ہیں جو ڈائیونگ اور کشتی رانی کے لیے مثالی ہیں۔

اس کے علاوہ یہاں سمندری ماحول کے تحفظ کے لیے تعلیمی پروگرام بھی چلائے جاتے ہیں تاکہ سیاحت اور فطرت کے درمیان توازن قائم رہے۔

ہیریٹج ویلیجز، روایتی بازار، اور ثقافتی میلوں سے اس خطے کی سیاحتی کشش مزید بڑھتی ہے۔ کمیونٹی اقدامات اور رضاکارانہ پروگرام ماحولیاتی شعور اور ذمہ دارانہ سیاحت کو فروغ دیتے ہیں۔